Klik op ut logo um d'r nuuje sjlager: "D'r Hoesbèèrg" te downloade.
De Sjravelerre Gezit 2019 is oet ! Deer kint ze hie onlajn leëze.
Preense
s Trudy is zich al iggen han ant vrieve want nog effekes en da begint ut Karnevalssezoen wer. Os Preenses hat noch pus zotterdig 4 fibberwarie d'r tied um zich nog ins fleenkte lotte goe want op dèè zotterdigaovend zal ut motte aaftrèèje. Mè ie ut zoe wiet is krieg veer nog è gaans naosezoen veurgesjotteld mit preenseballe, zittinge en nog vanaal.
Vööl sjpas en plezeer in d'r optoch !
D'r sjturm trik euver ! Vanaaf driej oor dis noon is ut rustig. De gemeente hat daomit bepaalt dat de optochte huuj pas nao driej oor maoge vertrikke. Dat dunt veer dan och. Vanaaf driej oor verzamel veer dan op de gebruukelikke plaats in oonder Mhèèr. En um 15.11o. zal d'r optoch dur os Preensesse op wèègs gesjooëte were.
Umdat veer och ope vèèld en brej wèèg motte vermijde van de gemeente is ut sjtuk Duuvelsjtraot oet de roete gehold. Bie d'r Hecker driej veer dus drek leenksum de Nuujsjtrraot in op d'r zaal aan.
Vur Preenses Trudy I en de Sjravelerre is d'r Karnevalsmarathon 2016 begonne. Donderdig 28 jan. worre ze te gas op ut Internationaal Preensetreffe i Groonsvèèld. Gashier Preens Chris I va Groonsvèèld is getrouwd mit de Monique Geelen va Mhèèr. Ut wor unne h
iele fiengen aovend mit un gaans dèèl super-artieste.
Vriedig, daags nao ut Preensetreffe hub veer de BMR-zitting bezeukt en och dao wor ut unne hiele gezellige boel. Ut zotterdes hub veer uvverdaag mit os Preenses Trudy de foto's goe make van alle Preense oet d'r umsjtreek vur de gezit in ut Centre Ceramique i Mestreech en och de foto mit alle Preense van de gemeentE Èèsde-Merregraote en dat wor in Merregraote. D'r JeugdPreens Damien is i Vallekeberg gewes vur ut make van de foto.
Saoves wor Preenses Trudy I mit d'r Raod van Illuf te gas op de Preensebal i Riekelt. En Daonao wor ut zaak um ut zoondes vreug oet de vère te kinne want ut zoondes sjtong de Jeugdzitting i Mhèèr op ut program.
M
it trots sjtille veer an uch veur..........
De alleruursjte jeugpreenses van de Sjravelerkes en Sjravelerinnekes:
PREENSES CATHARINA DE UURSJTE
Huuj is nao ing bèregezellige en topgesjlaagde Keenderzitting Catharina Lemlijn oetgeroepe tot alleruursjte jeugpreenses van ut Sjravelerre-Riek.
Catharina is de dochter van ozze oad-groete Preens Rudy (Lemlijn) der Uursjte oet 1994 en Anja Lemlijn-Slenter.
Och twie van heur owwer breursj zunt al ins jeugpreens gewes (Pedro der Uursjte 2008 en Nandus der Uursjte 2014)
Dus es ze advies nuudig hèèt dis karnevalsdaag dan hoeft os preenses neet wie te goa um dat te vraoge.
Preenses Catharina is lierlinge an de lieger sjoel i Voere en hèèt doaneeve nog u groet aantal hobbies zoe-es: Knutsele, zjwimme, misdienaar en ze sjpult de dwarsjflööt.
Vur ut uursj in de historie wurt ut Sjravelerre-Riek dus geregeerd deur twie preensesse.
Jeugpreenses Catharina en Preenses Trudy gunt der gegarandeerd ing geweldige karneval van make en veer wunsje hun inge gewelidge regeertied toe uvver ut Sjravelerre-Riek.
SJRAVELERRE ALAAF!!! PREENSES CATHARINA ALAAF!!
VASTENOAVEND I MHÈÈR ALAAF!!!
Op zotterdigaovend 16 jannewarie is nao ing hiel fieng Groete Zitting beneump en aangesjtild es Preenses Karneval va Mhèèr: Preenses Trudy de Uursjte ! Trudy hèèsj dur ut jaor Trudy Weusten - van Proemeren en is getrowd mit Wiliam Weusten. Heure pap, d'r Frans van Proemeren, is d'r Iere-Vorst van de Sjravelerre. De Trudy is jaorelaank daansmarieke gewes i Mhèèr, hat mitgesjpuld in d'r Dörpskroniek, de Keenderzitting mit georganiseerd en hat same mit heur zuster Corien en d'r Jos Senden gezonge in d'r Karnevalsgroep 'Dè Da !'. Preenses Trudy is dus gène oonbekinde in Karnevalverend Mhèèr en d'r wieje umsjtreeëk en dus zal dat mit de Vastenaovend in Mhèèr gaans good komme.
Vurdat Preenses Trudy I dur de Oad-Preense Garde nao veure gebraach is wore, hat eederèèn kinne genete van ing geweldige Karnevalszitting mit Chrit Driessen in de buut, Zaank van Frans Crooneberg, daans van Daansgroep Jump en èè wervelend daanssjpektakel van d'r Daansgroep van de Waggelerre va Voere. Ing sjpeciale èkt van d'r Jean Dobbelstein en d'r Mikel Gubbels braach d'r gaanse zaal in verveuring mit hun gewaagde 'haanddook-optrèèje' Tensjlotte wor d'r Dörpskroniek wer van owwerwitsje klasse mit humor, skètches, zaank en veuraal unne hòòp kolder uvver situaasies die zich aafgeloape jaor hubbe aafgesjpuld in Mhèèr.
Ut aaftrèèje van Preens Matthijs I kroog nog ing extra dimensie durdat de Bergweider Muzikaante same mit d'r Nico Senden ut leedsje 'D'r joonkgezel' ten gehure braachte. Dat leedsje is gesjreëve dur d'r Bert Senden op d'r aovend van ut oetrope van Preens Matthijs verlèèje jaor. D'r Bert hat zich doe drek an ut sjrieve gezat. Preens Matthijs hat daoneëve vur nóg èè fie gebaar gezurgd dur zie Preense-pak ter besjikking te sjtille an de Karnevalsvereniging, mè ut moag alling mer gedraage were dur unne vriegezel !
De Aod-Preense Garde hat wie gezaach de nuuj Preenses nao de buhne op begeleid. Vorst Jos how vur dis gelegenhèèd de hulp ingerope van d'r jubilerende Ier-Vorst Frans (3 x 11 jaor lid) um d'r dook ope te trikke oe de Preenses vervolgens oetsjprong. Ozze Iere-Vorst wor neet op de huugte van ut fèèt dat zieng dochter Preenses woerd en dat zurgde d'r veur dat d'r Frans meujte how um de oage druug te hoate.
Aal mit aal kin veer truukkieke op ing hiel gesjlaagde Groete Zitting 2016 mit ing nuuj Preenses: Trudy de Uursjte. Alaaf !
Eedere deelnummer an d'r Groete Optoch van de Sjravelerre va Mhèèr op Karnevalsmondig is verplich um zich in te sjrieve. Dat kint op Karnealszotterdig vanaaf aach oore saoves in Café Quaante dur ut insjriefformeleer in de Sjravelerre dao in te lievere bie Vorst Jos en d'r Notaris. Es deer mit wilt doe an d'r optoch mot deer op de huugte zie van ut Optochrèèglemèènt. Es deer dat neet mie gaans oet d'r kop kint, klik dan op de foto van Preenses Trudy I hie-booëve en da kump ut optochrèèglemèènt nao veure.
| Preens Marc I & Preenses Silvie I |
Ieërevorst: Frans van Proemeren | |
| Raod van Illuf: | Lede: | |
| Vorst & Veurzitter: Jos Senden | Marleen Snoeck | |
| Sekretaris: Fons Bastings | Trudy Weusten | |
| Penningmèèster: Saskia van Dijk | Stan Goessens | |
| Piet Beckers | Iere-lid: | |
| Maurice Beckers | Peter van Hasselt | |
| Tom Caelen | ||
| Mark Gubbels | ||
| Roy van Gerven | ||
| Jack van Laar | ||
| Patrick Quanten | ||
| Jeroen Retrae | ||
| Matthijs Spauwen | ||
| Jos Stikkelbroek | ||
| Mark Soudant | ||
| Luc Vandewall | ||
| René Willems | ||
| Robby Wouters |
