(en neet Christel & Quinn wie in de Sjravelerre-gezit sjtèèt)
Karnevalsdensdig sjlete veer de Karneval aaf. Zoe wiet is ut nog láng, láng neet. Mè es ut sjtrak zoewiet is zal veer um twelluf oor ut Sjravelerre leech oetdoe, mè dao veur riet veer um nog unne gojje bie. Zoe wie dat de litste jaore gebruukelik is, treujt op dèèn daag altied ène of mieë artieste op en dat geböört dan booëve op d'r bieljart bie Kaffie Quaante (bie Zjanit dus). Dit jaor hub veer niemes minder es dé nachtegaal van de Limburgse meziek kinne sjtrikke vur 'Op d'r Bieljart':
Beppie Kraft !!
De Sjravelerre Gezit 2018 is oet ! Sjpesjiaal vur ut Jubileum is veur- en aachterkaant in kleur. D'r kint ze hie och onlajn leëze.
Op d'r tiende november hub veer ut nuuj Karnevalssezoen ingezat mit os Oad op Nuuj in café Quaante. Oonder de klaanke van d´r Christian, Marleen Rutten en d´r Jos Senden, aafgewisseld dur DJ Marc (mit ing C) is unne gojje sjtart gemak vur d´r kommende tied. In d´r mond november gunt veer nog hie en dao nao versjillende aktevetèète en in d´r advèènt da hub veer effe pauze. Veer hubbe dan d´r tied um alles vur de kommende Karneval in orde te make. Preenses Trudy hat zoe wie deer kint zieje op de foto alvas hiel veul zin drin.
Op dizzen aovend hubbe os Preensesse och, wie gebruukelik, hun foto´s biegezat in os Preensegalleriej bovve ut buffit bie Zjanit.
Op 10 november, an d'r veuraovend van ut nuuj Karnevalssezoen wurd in Kaffie Quaante wer os Oad-op-Nuuj gehoate. Eederèèn is dan van harte welkom um same mit os Preenses Trudy I en os JeugPreenses Catharina I ut nuuj sezoen in te luuje mit unne knatsjgekke aovend mit zaank, lol en sjpas. Um twelluf oor zal dan natuurlik mit champagne getoast were op d'r sjtart van ut nuuje seizoen.
Meziek gedriejd door d'r Marc en d'r Tom plus optrèèjes van oonder aandere d'r Christian va Voere , d'r Jos en Marleen Rutten zalle d'r vur zurrege dat d'r zommer oet d'r kop gèèt en ut vizier gerich kin were op de kommende Vastenaovend. Ut begint um un oor of hof neuëge en zal dore pus dat ut nuuj Karnevalssezoen ech an de geng is...
Preense
s Trudy is zich al iggen han ant vrieve want nog effekes en da begint ut Karnevalssezoen wer. Os Preenses hat noch pus zotterdig 4 fibberwarie d'r tied um zich nog ins fleenkte lotte goe want op dèè zotterdigaovend zal ut motte aaftrèèje. Mè ie ut zoe wiet is krieg veer nog è gaans naosezoen veurgesjotteld mit preenseballe, zittinge en nog vanaal.
Op densdig 11 oktober is d´r JeugRaod in ut deepste geheim biejèèn gekomme um te zurge vur unne opvolger vur Preenses Catharina ut Uursjte. De envelupkes mit de kandidaat JeugPreense woorte oonder ut toeziend oog van Vorst Jos en JeugCoordinator Maurice in unne zak vur de naas van de Preenses gehouwe en die hat dao ène van droetgetrokke. D´r naam van dèègene wat in dèè envelop zoot is alling gezie dur d´r Vorst van de Sjravelerre en d´r JeugCoordinator. Op zoondig 15 jannewarie kin deer zie welke naam dat is want dan keump d´r nuuje JeugPreens of JeugPreenses nao veure op de Keenderzitting van de Sjravelerre.
Vööl sjpas en plezeer in d'r optoch !
D'r sjturm trik euver ! Vanaaf driej oor dis noon is ut rustig. De gemeente hat daomit bepaalt dat de optochte huuj pas nao driej oor maoge vertrikke. Dat dunt veer dan och. Vanaaf driej oor verzamel veer dan op de gebruukelikke plaats in oonder Mhèèr. En um 15.11o. zal d'r optoch dur os Preensesse op wèègs gesjooëte were.
Umdat veer och ope vèèld en brej wèèg motte vermijde van de gemeente is ut sjtuk Duuvelsjtraot oet de roete gehold. Bie d'r Hecker driej veer dus drek leenksum de Nuujsjtrraot in op d'r zaal aan.
Eedere deelnummer an d'r Groete Optoch van de Sjravelerre va Mhèèr op Karnevalsmondig is verplich um zich in te sjrieve. Dat kint op Karnealszotterdig vanaaf aach oore saoves in Café Quaante dur ut insjriefformeleer in de Sjravelerre dao in te lievere bie Vorst Jos en d'r Notaris. Es deer mit wilt doe an d'r optoch mot deer op de huugte zie van ut Optochrèèglemèènt. Es deer dat neet mie gaans oet d'r kop kint, klik dan op de foto van Preenses Trudy I hie-booëve en da kump ut optochrèèglemèènt nao veure.
| Preens Luc I & Preenses Saskia I |
Ieërevorst: Frans van Proemeren | |
| Raod van Illuf: | Lede: | |
| Vorst & Veurzitter: Jos Senden | Marleen Snoeck | |
| Sekretaris: Fons Bastings | Trudy Weusten | |
| Penningmèèster: Jack van Laar | Stan Goessens | |
| Piet Beckers | Iere-lid: | |
| Maurice Beckers | Peter van Hasselt | |
| Tom Caelen | ||
| Mark Gubbels | ||
| Roy van Gerven | ||
| Patrick Quanten | ||
| Jeroen Retrae | ||
| Matthijs Spauwen | ||
| Mark Soudant | ||
| Luc Vandewall | ||
| René Willems | ||
| Robby Wouters |
