Oad op Nuuj

Och dit jaor zal veer ut Vastenaovessezoen sjtarte mit ut vere van Oad op Nuuj op zotterdig 10 november. Op dizzenaovend zalle os twie jubilarisse gehuldigd were (Jos Senden 3x11 en Piet Beckers 2x11) en Preens Marc en Preenses Silvie zalle same mit Jeugpreenses Lotte hun Preensefoto's in de Preensegalleriej plaatsje. 

Daonao zal ut loos goe mit oonder aandere Don Kiesjot en Christian & Jos.  Um exact 12 gunt de mutsje op en is ut nuuj Karnevalssezoen è feit.

Entree is gratis dus komt mer ins lore en uch ammezere.

Sjravelerre Gezit 2018

De Sjravelerre Gezit 2018 is oet ! Sjpesjiaal vur ut Jubileum is veur- en aachterkaant in kleur. D'r kint ze hie och onlajn leëze.

ALAAF !!!

A+ R A-

Zotterdig 20 jannewarie: JUBILEUMZITTING

De Groete Zitting van dit jaor zal ing bezeunder zitting were. Neet alling roop veer op dis zitting ozze Jubileum-Preens oet mè dèè Preens zal och tegeliekertied Gemeente-Preens van de Gemeente Èèsde-Merregraote were. Dat betèkent dat ozze Preens op Karnevalszotterdig d’r Sjlöttel van de gemeente in ontvangs maog neme op ‘t gemeentehoes i Merregraote.
Veuraafgoand an dat oetrope van d’r nuuje Preens zal uursj nog è gaans program uvver de buuhn goe. Vanaaf 11 op aach pus dat ut gedoe is, hoef zich gène te vervèèle op dis zitting.

Loor mer:
Uiteraard zal Daansgroep Jump van de partiej zie mit allemaol daanseresse van hie oet de buurt. Zie zalle wer unne hiele fiengen daans lotte zie, sjuus wie eeder jaor.
Dan krieg veer in de buut unne maan dèè alwèr in de finale van de buuttekampoensjappe sjtèèt en minnige zaal plat kriet van ut laache: niemes minder es Jan Heffels ! Sjmèèr uch de laachsjpiere mer good in want die kriege ut hèèl te verdure. Aafgeoape vriedig hat è nog in de finale gesjtaande van ut Limburgs Buuttekampioesjap.
Es deer van daanssjpektakel hult mot deer zekker oplitte es Saskia en Levi de buuhn opkomme. Saskia Waghemans en Levi Gulpen vurme èè geweldig daanspaar dat al versjeije kiere Europees Kampioen is gewes en die zalle uch lotte zie dat ze dat neet zoemer gewore zunt.
Gaans oet Venray komme dan twie ras-artieste die verlèèje jaor achter de Geliënde twiede zunt gewore op ut LVK mit ut prachtige nummer: ‘Doezend Sjterre in de naach’. Dat zunt Bjorn en Mieke en zie zalle dat nummer och i Mhèèr zinge en nog vööl aander leedsjes oe d’r zaal gaans op sjtèèlte wurd gezat.
Och de Oad-Preense hubbe op dis jubileumzitting è optrèèje veurbereid en veer lotte os verasse wat dat is. 
Daonao wurd de buuhn vriegemakt vur d’r Dörpskroniek. Al vur d’r driej-en-daartigste kier (jazekker, och die hubbe è jubileum !!) sjtunt un aantal topacteurs en zengers oet èège dörp op de buuhn um de geböörtenisse van ut aafgeloape jaor op ing hiel ludieke maneer de revue te lotte passere. Sketsjes, zaank en acts wissele zich in sjneltempo aaf zurrege vur ing unieke kombinaassie van revue en cabaret, kortum: D’r Dörpskroniek.
Es dat allemaol gewes is, is ut tied um aafsjèèd te neëme van Preens Luc en Preenses Saskia. 
Nao de pauze zalle de Oad-Preense Garde d’r vur zörrege dat d’r nuuje Preens en/of Preenses good en waal op de buuhn arriveert zoedat Vorst Jos an de luuj bekind kint make wèè Jubileum-Preens wurd van de Sjravelerre en teves GemeentePreens van de gemeente Èèsde-Merregraote. 
Veer weunsje uch alvas:
Vööl plezeer op os Zitting !

Wie lang nog pus Karneval

Preens Marc I en Preenses Silvie I

JeugPreenses Lotte I

Optochrèèglemèènt

Eedere deelnummer an d'r Groete Optoch van de Sjravelerre va Mhèèr op Karnevalsmondig is verplich um zich in te sjrieve. Dat kint op Karnealszotterdig vanaaf aach oore saoves in Café Quaante  dur ut insjriefformeleer in de Sjravelerre dao in te lievere bie Vorst Jos en d'r Notaris. Es deer mit wilt doe an d'r optoch mot deer op de huugte zie van ut Optochrèèglemèènt. Es deer dat neet mie gaans oet d'r kop kint, klik dan op de foto van Preenses Trudy I hie-booëve en da kump ut optochrèèglemèènt nao veure.

De Sjravelerre

Preens Marc I & Preenses Silvie I
  Ieërevorst: Frans van Proemeren
Raod van Illuf:   Lede:
Vorst & Veurzitter: Jos Senden   Marleen Snoeck
Sekretaris: Fons Bastings   Trudy Weusten
Penningmèèster: Saskia van Dijk   Stan Goessens
Piet Beckers   Iere-lid:
Maurice Beckers   Peter van Hasselt
Tom Caelen    
Mark Gubbels    
Roy van Gerven    
Jack van Laar    
Patrick Quanten    
Jeroen Retrae    
Matthijs Spauwen    
Jos Stikkelbroek    
Mark Soudant    
Luc Vandewall    
René Willems     
Robby Wouters